дүңгіршек

Дүңгіршек (лат. Utricularia) – дүңгіршектер тұқымдасына жататын көпжылдық, тамыры жоқ, «жыртқыш» су өсімдігі. Оның екі жүздей түрі белгілі. Қазақстанда үшеуі кездеседі. Ол суда қалқып өседі. Гүлі – сары түсті.

Дүңгіршектер тұқымдасы (лат. Lentibulariaceae) – бір және көп жылдық жәндікқоректі өсімдіктер. Дүние жүзінде тараған 5 туысы, 250-дей түрі белгілі. Бұлар негізінен суы мол ылғалды және батпақты жерлерде өседі. Жапырақтары кезектесіп немесе шоғырланып шығады.